samedi 12 novembre 2011

لحظة

شديت التليفون قلبتو 4 مرات كتبت النومرو وقعدت نتفرج ما عادش حتى مقيد في تليفوني إما مازال مقيد في  مخي ... 
شنوا بش انقلوا
زعمة انقلوا توحشتك ومخيبها دنيا ونتي  مش فيها.........
زعمة انقلوا ما انحس روحي حية ونتنفس كان كي تمسني انتي
 كل لحظة عديتها معاك تمنيتها تقعد لاخر دنيا
انقلوا انتي هي الدنيا وأحلى حاجة فالدنيا 
انقلوا نحبك   
انقلوا كل كلمة نحبك من قلبي خرجت وخرج معها قلبي  
انقلوا علاش تي كيفاش تي شعمتلك اني ؟
انقلوا نسيت شنوا حلمنا وقداش كنا فرحانين  وقداش من مرة  قتلي نحبك 
إنزيد انشد التليفون   نحطو على وذني  
نتخنق تهبط دمعة 
وقبل ما ينوقز نعلق