إعترافات مرا

تعيش في دولة إسلامية
 انتي مرا متثقفة
 تنجم تقول عادية 

أمك تدعيلك كل يوم
بش ربي ينورلك الثنية 

تقلك إحشم من بوك وقدر خوك
 و سكر فمك  راك ولية 

أحلامك تحكم عليها الظروف
 وأوامر العائلة والشرعية  

تتعرف على واحد تحبوا
وتنسى لي إنتي حية 

يكبلك سعدك يمرمدك يسمعك الكلام
 يخليك تحس لي إنتي  ما تجي كان  حاجة ثانوية 

 تنسى الحب تعرس تتكب .........
 تجيب صغار و تقوم بوجباتك الزوجية 
تلوج على لحظة سعادة على أمل
 على حلمة تولي حقيقية 
 تلقى حياتك مش ليك تلقى حياة تفرضت عليك
 تلقى الهم عايش معك يومية 
تقول زعمة هذا الهناء  
يقولولك احمد ربي عندك صغار ودار وحياة طبيعية 
تجري بيك لايام وين تهزك 
تهزك وين دفنت أحلامك 
وين وليت عايشة كيف أي مرا عادية   
طريق من غير رجوع مشيت فيه 
ولازمك تتحمل توا المسؤولية
 وتعيش كيف أي مرا في دولة اسلامية    .........