استخارة

ثنية وزوز بيبان 

ثنية ظلمة ما فيهاش أمان 

ثنية تخليك تضيع وتبيع 

تبيع روحك تقص يديك تتعلم تخبي سنيك ما تتبسمش ما تضحكش 
تنسى لي انتي حي تحس لي انتي ميت  

تبكي الدم  تاكل الشوك تحس بالغم 

تعمل إستخارة 

تلوج على باب أخر على منارة  

تدعي بش ربي يحل الثنية 
تلقاها باقي الدنيا بيك مبلية  

تشد راسك تصيح 

أنا شكون  أنا ...علاش جيت ! علاش حبيت علاش تهديت  

علاش فالطريق حيوط  ؟علاش لي يحب يموت ؟ 

تتسكر في وجهك 
قلبك يولي ضعيف حتى من دموعك تشيح 
تلقى روحك في نفس الثنية
والحكاية هي هي