mardi 30 novembre 2010

أنا أناشد إذاً أنا موجود

كل واحد يناشد على طريقة متاعوا
إلي يرفع فالتحديات، إلي مصور فيديو، إلي عامل باج فالفايسبوك ....
اني زادة نحب ناشد على طريقتي و كما يقولوا الشنقة مع الجماعة خلاعة. 

أناشد وزارة التشغيل وأطالب بحقي وحق كل حامل لشهادة عليا فالحصول على خدمة شريفة
أناشد كل موظف في إدارة عمومية بش يقوم بالواجب متاعو
أناشد الأمن بش كي نبدى مروحة ما نبداش خايفة لا يخطفولي ساكي 
أناشد وأطالب وزارة التكنولوجيا بحقي في انترنات حرة من غير 404 not found
أناشد كل صحافي باش يكتب بحرية وموضوعية بش كي نحل جريدة تونسية نلقى ما نقرا بخلاف حظك اليوم وجرائم الأسبوع
أناشد كل إعلامي باش يعمل برنامج هادف ما فيشي لا إستغلال لمعانات العباد لا شطيح لا كرة
أناشد كل أستاذ باش يقوم بالواجب متاعو ويطلعوا أجيال مش مسطحة الفكر وفاقدة للهوية
أناشد باش كل واحد ياخو كان حقو وتتنحى الأكتاف والمحسوبيات
أناشد خاطرني نحب نعيش بقدري وكي نشكي ونطالب بحقي نلقى شكون يسمعني 
أناشد وأناشد وأناشد .........................

7 commentaires:

  1. وأنا أنشدك أن تكتبين ثم تكتبين ثم تكتبين :)

    RépondreSupprimer
  2. شكراً بنفسجيست على المتابعة وعلى تعليقاتك و أني من موقعي هذا نوعدك بمواصلة المسيرة ومواصلة رفع التحديات

    RépondreSupprimer
  3. لاعب النرد نشكرك برشة على تعليقك
    D:

    RépondreSupprimer
  4. Just returning to see if you have posted again. Have you thought of putting a "translator" up on your blog...just a thought.
    You're invited to follow my blog also.

    RépondreSupprimer
  5. Bravo quel chef-d'oeuvre ! Excellent choix d'avoir choisi le maître mot de l'actualité, tout ça avec une ironie très drôle:)
    واصلي في عملك الدؤوب :)

    RépondreSupprimer
  6. Merci pour l'encouragement et pour le commentaire
    وأنا أناشدك أن ترفع التحديات لنكمل مسيرة العطاء على درب التحدي والإمتياز

    RépondreSupprimer