samedi 4 décembre 2010

جيب الجديد wikileaks

توا تأكدت إلي الشعب التونسي أقوى شعب على وجه هذه البسيطة و كيما يقول المثل لا يفوتنا فايت لا خبز بايت !
الناس الكل تفجعت كيف خرجوا الويكليكس الاخبار السرية متاعهم واحنا هبطت علينا السكينة وقلنا بصوت واحد 

 ويكيليكس جيب الجديد !!!!!!

مل أخبار إلي قالوها :
قلك سي صخر أدامه الله ذخراً للوطن يلعب فالسبور وزيد يحب ينقص شوية كيلووات .
و أنا من موقعي المتواضع هذا انقلوا راك تقتل وكيما قالت مدام صوفية "ويهبل و يهبل !!"

قلك زادة راو شرا دار في البلفيدار تع كندا . 
والحقيقة فما سؤال حيرني برشة زعمة عندهم قرودة كيف البلفيدار متاعنا؟
 و حتى كان شرى يا خويا خلي يشري ; إما خير ولا يقعد فلكرى غادي.
تي كان الكرى في تونس غالي ملا كندا كيفاش ; عادا يولي يتوسع فالملك خير .
 وزيد قلك شرب كوكا لايت يا خويا خلي يشرب  ومطرح ما يسري يمري


إما هذي قلتلهم اسكتوا !!!!!!!
أخر حاجة طلع بيها الويكيليكس قال رئيسنا الغالي كبر شوية فالعمر وقعدوا يسهلوا زعمة ينجم يقوم بواجبات متاعو !!
وأنا من موقعي هذا أناشد الله أن يطيل في عمره و يكثر في أنفاسه ونشالله ربي يشدو بالصحة البدنية ويحلو كل ثنية
وكان لازم ناخذوا من عمرنا ونعطيوه فداءً للوطن .
وأخيراً لازمنا إنبخروا شوية بخور عربي ونفرقوا لوبان ذكر وزيد  نعلقوا حوتة كبيرة بش إنطيروا علينا العين  خاطر هاو طلعوا الناس الكل لاهين بينا.



6 commentaires:

  1. LOL bravo vraiment قاعدة تعبر و تبدع بالدارجة :p

    RépondreSupprimer
  2. نشكرك على تعليقك يا مروان و نقتبس من صديقي بنفسجيست و نقلك إلي اللغة الدرجة هي لغة من القلب إلى القلب

    RépondreSupprimer
  3. hèk il kazi soufiya sneda9, qu'est ce qu'elle fout dedans ? :)

    RépondreSupprimer
  4. تعس على دار خونا صخر
    ميسالش ماهو ؟

    RépondreSupprimer
  5. J'adooooooooore!!! chwi vraiment MDR (même si j'ai lu l'article très en retard xD )

    RépondreSupprimer
  6. jamais trop tard my angel :D
    merci d'avoir passer

    RépondreSupprimer