عدت يا يوم مولدي عدت يا أيها الشقي

ما نعرفش علاش ديمة نهار عيد ميلادي نبدى تعيسةو نحس  لي اني ضيعت عام من عمري وكي انجي نحسب عدد الأشخاص لي يحبوني بالحق بخلاف عايلتي ما نجم انسمي كان زوز ولا ثلاثة بركة

عام تعدى وكل عام نزيد نكبر وكل ما نكبر يكبر الهم ويكبر إلألم و تكبر التساؤلات

عام تعدى وبرشة حاجات تبدلت  ؛ بكيت فيه أكثر ملي ضحكت و نسيت فيه أكثر ملي إتفكرت

عام اتعدى و ما عادش بش يرجع

عام تعدى و كيما كل عام باش نتمنى إلي العام الجاي يجي خير ونشالله السنة الجاية تتحق الأمنية متاعي 

عام تعدى وكيما كل عام باش نتمنى الحرية لبلادي

عام تعدى و أول عام بش نتمنى الرحمة الأمي

عام تعدى وعام جاء

وعدت يا يوم مولدي عدت يا أيها الشقي