dimanche 28 novembre 2010

على قلبنا أحلى مل عسل

الناس الكل تقاسي مل كبير للصغير للي يندب عل حصير ؛ يا خويا واحد ملي يحل عينيه لين يكن راسو وهو يرفع فالتحديات اني وحدة مل ناس تعبت وكوارعي وجعوني وزيد وخيتك نبدى لابسة تالون ومل صباح للطياح واني نرفع ياسر عليا فديت  .



هوكيف إتجي تشوف الناس الكل فدت وملت ؛ بون الحق الحق مش الناس الكل الكل خاطر فما شعب تونس المختار ما فدوش من رفع التحديات خاطر هاذم ناس صحاح عندهم ما يقول في رواحهم .
ينجموا يبعثوا ولدهم للستاد يتفرج في الدربي ويعسو عليه 200 رقبة
ينجموا يسكروا على الرعاع لي كيفنا الهواء؛ الماء ؛ اليوتوب  ؛الدايلي موشن
ينجموا يربطولنا الربطة و يربطونا حتى احنا 
ينجموا زادة يغليوا فالخبز فالمازوت يقطعوا الحليب يوكلوك البخس و الهندي و الكاكتوس
هومة الفاتق الناطق واحنا لازم نسكتو ونحمدو ربي خاطر بربي الرعاع الي كيفنا منين يفهموا مصلحتهم وين !
تي هوما  على سبيل المثال خاطر سخفوا على الشباب الضايع من الرعاع لي كيفنا إلي ما يعرفش حتى يبحر في عالم الانترنات حطولنا واحد كفء بش يوجهنا وينورنا سي عمار بركالله فيه وفي مجهوداتو الجبارة .
وبالتالي يا رعاع تونس لازمكم تحمدوا ربي على مجهودات شعب تونس المختار لازمكم تشدو إمشومك لا يجيكم ما أشوم
خاطر القناعة كنز لا يفنى
خاطر الماء لي ماشي للسدرة زيتونة صخر أولى بيه
خاطر بالأمن والأمان يحيى هنا الإنسان 
وخاطر وخاطر وخاطر..............................
فهنيئاً لنا بكم يا شعب تونس المختار ؛ ميسالش نرفعوا التحديات ليلى نهار في  بلاصتكم وحتى كان تعبنا طز فينا تعبكم راحة وحتى كان عفستوا علينا ميسالش زادة على قلبنا أحلى مل عسل .

7 commentaires:

  1. I have added myself to follow your blog. You are more than welcome to visit my blog and become a follower also.

    RépondreSupprimer
  2. on est tous là à nous démerder comme on peu, même la nuit les cauchemars sont au rendez vous

    j'ai bien aimé la note , Bravo

    RépondreSupprimer
  3. Merci Venus pour l'encouragement :D

    RépondreSupprimer
  4. الحاجة الوحيدة إلي ما نرفعوهاش في هلبلاد هي الشهرية ... البهامة ترفعت ... الجبن كيف كيف ... العنف هو وصل بنا للقتل ... هانا رافعين يدينا وسقينا والمصايب هابطة علينا ...

    تدوينة جميلة يا إيمان ... تدوينة ترفع التحديات :)

    RépondreSupprimer
  5. واني من موقعي هذا نشكرك برشة على رفعك للتحديات بتعليقك وبمداخلتك الرشيقة والأنيقة ؛ هانو كي تحب ترفع تحدي ولا زوز نادي الى وخيتك معاك انجي إنعاونك التونسي للتونسي رحمة

    RépondreSupprimer