مدونة بدون عنوان

- صباح الخير 

- صباح  الورد شنوا منورين ليوم ! قابلتو البارح ؟

- إيه إما ما نجمش يبات مرتو قعدت تمرج فيه بالتليفونات 

- مش قتلي ما تلوجش عليه ؟ 

- تي ولدو ريان مريض

- هيا نشالله لباس رجعتو متفاهمين ؟  

- إيه بعد غدوة بش نحتفلو بخمسة سنين مع بعضنا 

- صحة والله بش تقعدوا فالدار ولا بش تخرجوا

-  مراد  ما يحبش شكون يشوفوا معايا في الليل .. باش نسهرو في داري  

- توا مش كان تسيب عليك خير  تربط  في روحك 5 سنين والرجل معرس وزيد مرتو كان تفيق باش تتناك على راسك وراسو

- حياتي ديجا موناكة.. راني  نحبو زح حتى معرس ما دمنا مع بعضنا ما يهمنيش

 ريت خويا البارح عمل روحو ما شافنيش

- شكون فتحي ولا عماد  

- عماد ... إلي نقول عليه حنين ويفهمني 

- تي أكهو المجتمع يعمل ظغط وبالسيف عليه يتأثر ما تحط شي في بالك 

- أيا خلي نمشي نخدم قلي ترمتي كبيرة في السروال 

- لا لا ترمتك لباس عليها 

- صباح الخير إيمان 

- جابك ربي توا بارك باش نكلمك 

- أيا بون جوغنا 

- أرجعلي بعد عندي ما نحكيلك 

- اوكي 

- مشى ؟ 

- إيه 

- قداش ما نحملوش هل ميبون 

- حرام عليك ساعة أمين متربي وما يجبد حد وزيد خدام 

- إيه إما pd حطب جهنم راهو

- شوف شكون يحكي جاب ربي البارح مروح سكران مل صالون مع زوز بنات

- تي الناس الكل ما تحملوش ما فهمتش شنوا إلي عاجبك فيه مصوحب راجل معرس عندو 3 صغار وزيد دارهم طردوه من الدار 

- وإنت منين ليك اخبارو

- تي الناس الكل تحكي

- أيا صبح الصباح  وبرى اعملي فوتوكوبي منيش ناقصة مرج 

إهداء  إلى كل واحد يتسب ويتبزق عليه خاطرو مختلف ويحب يعيش حياتو في مجتمعنا الكريه