عمار سكرتلي بلوغي برا يسكر حلقك

عمار ما لقى بها وين 

غلبوا عليه اليوم كي عملوا احتجاجت فالعاصمة

جاء ليا وسكرلي  بلوغي  404 not found

ميسالش يا عمار حتى نحن سوف نتصدى بكل حزم بكل حزم لصنصرت الانترنات في تونس وماناش  بش نسكتوا 

وأخيراً خلي إنشبشب شعري وندعي شوية  :

 الله لا تربحك يا عمار ندحيك  إلى ربي 

 يراك وين تقبل تلقاها مسدودة في وجهك ؛ يراك لاهب عايب ؛ نشالله ديمة عيشتك مشومة ونشالله يبراكيوك فالحومة

الله يرحموا

 نعرف إلي الموت متاعو كان متوقع مل السلطات والهيئة الطبية و ممكن  تأجل الإعلان الرسمي عليه إلى خمود فتيل الاحتجاجات؛ لكن محمد البوعزيزي  وفاه الأجل البارح الثلاثاء 4 جانفي ليلاً و وقع الإعلان الرسمي على وفاته اليوم و تم نقله إلى سيدي بوزيد للقيام بمراسم الدفن.

محمد البوعزيزي كان بمثابة نار الفتيل التي اشعلت إنتفاضة سيدي بوزيد ؛عبر على الا ما نجمش شعب كامل يعبر عليه تمرد على الظلم وذهب ضحية إنعدام الضمير متع برشة توانسة.

إحترق محمد البوعزيزي  في سيدي بوزيد وأشعل معه  تونس كاملة و توحدت صرخة جميع التونسيون متحدين السلطة و الظلم و مطالبين بحقوقهم المهضومة. 

زعمة بعد ما مات محمد أعوان التراتيب إلي عنفوه  ينجموا توا يرقدوا فاليلل مرتاحين....

زعمة ما يستحقوش يتعاقبوا على إلي عملوه فالشاب المسكين هذا.......

واحد توا ما ينجم يقول كان: اللهم ارحمه وإغفر له وأسكنه الفردوس الأعلى  ونشالله الموت متاعو ما تكونش فقط نهاية شاب حرق روحو ومات وإنما بداية انتفاظة واستفاقت شعب كامل.

Demain je brule

Demain je brule 

Demain je brule mes rêves ; mon future ; ma jeunesse

Demain je brule ma vie pour mettre fin à ma torture 

Demain je choisis de défigurer mon corps 
Demain je vais libérer mon âme minable

Demain je vais mettre fin à ma souffrance 
Demain je vais prouver mon existence

Demain  il n' y a plus de demain . 

Hommage à Mouhamed Bou Azizi âgé de 22 ans qui a choisie de bruler son corps pour protester contre l'injustice ; ce jeune homme désespéré est orphelin et avait 8 personnes en charge . Il  a choisie de se faire brulé en prouvant que la souffrance physique est  meilleur que la souffrance de l'âme . Mouhamed est une victime qui aurait dû être sauvé au lieu d'être agressé et ignoré .  
Donnant Hommage a Mouhamed pour une Tunisie Libre .

هي

هي طفلة وممكن مرا 

تمنات ساعات كان جات راجل

هي ما تحاولش تكون مرا خاطر تخاف لا تضعف

هي عاملا روحا قوية وهي تخاف ؛ تخاف مل مستقبل مل ضلام مل رجال ؛ تخاف حتى من روحا 

هي تحكي برشة إما ما تحكيش حاجات شخصية  إلى حتى حد 

هي كل ما تزيد تعرفها تحس لي إنت ما تعرفهاش

هي فقدت توا 4 شهور أعز انسانة عندها ؛ ماتت بن يديها وقدام عينها وحتى حد ما سألها شنوا حست

هي ساعات تبكي فالليل بش يجيها النوم

هي كان ماشي في بالها عندها أصدقاء بالحق أما في أصعب وقت تعدات به ما لقت حتى حد

هي تحب تبدى مختلفة ومميزة في كل شي

هي تلوج على الحب أما زعمة الحب يلوج عليها 

هي فيها برشة تناقضات

هي تحب تخرج على مألوف وفي نفس الوقت عمرها ما جربت حاجات مهبولة

هي اختارت حاجات في حياتها وحاجات إتفرضو عليها 

هي غلطت وصلحت ؛ طاحت وقامت ؛ بكات وضحكت 

هي  بكل بساطة حست وكتبت

نزار قباني وعدتـــــــــك

وعدتك ان لا احبك..
ثم امام القرار الكبير, جبنت
وعدتك ان لا اعود..
وعدت..
وان لا اموت اشتياقا
ومت
وعدت مرارا
وقررت ان استقيل مرارا
ولا اتذكر اني استقلت..

وعدت بأشياء اكبر مني..
فماذا غدا ستقول الجرائد عني؟
أكيد.. ستكتب أني جننت
أكيد.. ستكتب أني انتحرت
وعدتك..
أن لا اكون ضعيفا.. وكنت
وأن لا أقول بعينيك شعرا
وقلت
وعدت بأن لا
وأن لا
وأن لا
وحين اكتشفت غبائي.. ضحكت

وعدتك
أن لا أبالي بشعرك حين يمر أمامي
وحين تدفق كالليل فوق الرصيف
صرخت
وعدتك
أن أتجاهل عينيك, مهما دعاني الحنين
وحين رأيتهما تمطران نجوما
شهقت
وعدتك
أن لا اوجه أي رسالة حب إليك
ولكنني-رغم أنفي-كتبت
وعدتك
أن لا أكون بأي مكان تكونين فيه
وحين عرفت بأنك مدعوة للعشاء
ذهبت
وعدتك أن لا أحبك
كيف؟
وأني؟
وفي أي يوم تراني وعدت؟
لقد كنت أكذب من شدة الصدق,
والحمد لله أني كذبت

وعدت
بكل برود.. وكل غباء
بإحراق كل الجسور ورائي
وقررت بالسر, قتل جميع النساء
وأعلنت حربي عليك
وحين رفعت السلاح على ناهديك
انهزمت
وحين رأيت يديك المسالمتين
اختجلت
وعدت بأن لا..وأن لا..وأن لا..
وكانت جميع وعدوي
دخانا, وبعثرته في الهواء

وعدتك
أن لا أتلفن ليلا إليك
وأن لا أفكر فيك إذا تمرضين
وأن لا أخاف عليك
وأن لا أقدم وردا
وأن لا أبوس يديك
وتلفنت ليلا.. على الرغم مني
وأرسلت وردا.. على الرغم مني
وبستك من بين عينيك حتى شبعت
وعدت بأن لا.. وأن لا.. وأن لا
وحين اكتشفت غبائي ضحكت
وعدت
بذبحك خمسين مرة
وحين رأيت الدماء تغطي ثيابي
تأكدت أني الذي قد ذبحت
فلا تأخذيني على محمل الجد
مهما غضبت .. ومهما انفعلت
ومهما اشتعلت .. ومهما انطفأت
لقد كنت أكذب من شدة الصدق
والحمد لله أني كذبت

وعدتك.. أن أحسم الأمر فورا
وحين رأيت الدموع تهرهر من مقلتيك
ارتبكت
وحين رأيت الحقائب في الأرض
أدركت أنك لا تقتلين بهذي السهولة
فأنت البلاد.. وأنت القبيلة
وأنت القصيدة قبل التكون
أنت الدفاتر.. أنت المشاوير.. أنت الطفولة
وأنت نشيد الأناشيد
أنت المزامير
أنت المضيئة
أنت الرسولة

وعدت
بإلغاء عينيك من دفتر الذكريات
ولم اك أعلم أني سألغي حياتي
ولم اك أعلم أنك
رغم الخلاف الصغير أنا..
وأني أنت
وعدتك أن لا أحبك
با للحماقة
ماذا بنفسي فعلت؟
لقد كنت أكذب من شدة الصدق
والحمد لله أني كذبت

وعدتك
أن لا أكون هنا بعد خمس دقائق
ولكن.. إلى أين أذهب؟
إن الشوارع مغسولة بالمطر
إلى أين أدخل؟
إن المقاهي المدينة مسكونة بالضجر
إلى أين أبحر وحدي؟
وأنت البحار
وأنت القلوع
وأنت السفر
فهل ممكن
أن أظل لعشر دقائق أخرى
لحين انقطاع المطر؟
أكيد بأني سأرحل بعد رحيل الغيوم
وبعد هدوء الرياح
وإلا
سأنزل ضيفا عليك
إلى أن يجيء الصباح

وعدتك
أن لا أحبك مثل المجانين في المرة الثانية
وأن لا أهاجم مثل العصافير
أشجار تفاحك العالية
وأن لا امشط شعرك حين تنامين
يا قطتي الغالية
وعدتك أن لا أضيع بقية عقلي
إذا ما سقطت على جسدي نجمة حافية
وعدت بكبح جماح جنوني
ويسعدني أنني لا أزال
شديد التطرف حين احب
تماما, كما كنت في المرة الماضية

وعدتك
أن لا أطارحك الحب, طيلة عام
وأن لا أخبئ وجهي
بغابات شعرك طيلة عام
وأن لا أصيد المحار بشطآن عينيك طيلة عام
فكيفك أقول كلاما سخيفا كهذا الكلام؟
وعيناك داري ودار السلام
وكيف سمحت لنفسي بجرح شعور الرخام؟
وبيني وبينك
خبز.. وملح
وسكب نبيذ.. وشدو حمام
وأنت البداية في كل شيء
ومسك الختام

وعدتك
أن لا أعود .. وعدت
وأن لا أموت اشتياقا
ومت
وعدت بأشياء أكبر مني
فماذا بنفسي فعلت؟
لقد كنت أكذب من شدة الصدق
والحمد لله أني كذبت

جيب الجديد wikileaks

توا تأكدت إلي الشعب التونسي أقوى شعب على وجه هذه البسيطة و كيما يقول المثل لا يفوتنا فايت لا خبز بايت !
الناس الكل تفجعت كيف خرجوا الويكليكس الاخبار السرية متاعهم واحنا هبطت علينا السكينة وقلنا بصوت واحد 

 ويكيليكس جيب الجديد !!!!!!

مل أخبار إلي قالوها :

قلك سي صخر أدامه الله ذخراً للوطن يلعب فالسبور وزيد يحب ينقص شوية كيلووات .
و أنا من موقعي المتواضع هذا انقلوا راك تقتل وكيما قالت مدام صوفية "ويهبل و يهبل !!"

قلك زادة راو شرا دار في البلفيدار تع كندا . 
والحقيقة فما سؤال حيرني برشة زعمة عندهم قرودة كيف البلفيدار متاعنا؟
 و حتى كان شرى يا خويا خلي يشري ; إما خير ولا يقعد فلكرى غادي.

تي كان الكرى في تونس غالي ملا كندا كيفاش ; عادا يولي يتوسع فالملك خير .

 وزيد قلك شرب كوكا لايت يا خويا خلي يشرب  ومطرح ما يسري يمري

إما هذي قلتلهم اسكتوا !!!!!!!
أخر حاجة طلع بيها الويكيليكس قال رئيسنا الغالي كبر شوية فالعمر وقعدوا يسهلوا زعمة ينجم يقوم بواجبات متاعو !!
وأنا من موقعي هذا أناشد الله أن يطيل في عمره و يكثر في أنفاسه ونشالله ربي يشدو بالصحة البدنية ويحلو كل ثنية
وكان لازم ناخذوا من عمرنا ونعطيوه فداءً للوطن .
وأخيراً لازمنا إنبخروا شوية بخور عربي ونفرقوا لوبان ذكر وزيد  نعلقوا حوتة كبيرة بش إنطيروا علينا العين  خاطر هاو طلعوا الناس الكل لاهين بينا.

أنا أناشد إذاً أنا موجود

كل واحد يناشد على طريقة متاعوا

إلي يرفع فالتحديات، إلي مصور فيديو، إلي عامل باج فالفايسبوك ....

اني زادة نحب ناشد على طريقتي و كما يقولوا الشنقة مع الجماعة خلاعة. 

أناشد وزارة التشغيل وأطالب بحقي وحق كل حامل لشهادة عليا فالحصول على خدمة شريفة

أناشد كل موظف في إدارة عمومية بش يقوم بالواجب متاعو

أناشد الأمن بش كي نبدى مروحة ما نبداش خايفة لا يخطفولي ساكي 

أناشد وأطالب وزارة التكنولوجيا بحقي في انترنات حرة من غير 404 not found

أناشد كل صحافي باش يكتب بحرية وموضوعية بش كي نحل جريدة تونسية نلقى ما نقرا بخلاف حظك اليوم وجرائم الأسبوع

أناشد كل إعلامي باش يعمل برنامج هادف ما فيشي لا إستغلال لمعانات العباد لا شطيح لا كرة

أناشد كل أستاذ باش يقوم بالواجب متاعو ويطلعوا أجيال مش مسطحة الفكر وفاقدة للهوية

أناشد باش كل واحد ياخو كان حقو وتتنحى الأكتاف والمحسوبيات

أناشد خاطرني نحب نعيش بقدري وكي نشكي ونطالب بحقي نلقى شكون يسمعني 

أناشد وأناشد وأناشد .........................