يوميات مرا تلوج على ولد الحلال

غزرلها قال في قلبوا هذي هي الطفلة لي إنلوج عليها وتنهد تنهيدة طويلة 

هي قعدت تهز فيه وتحط وما فهمت شي 

شد كاس القهوة و حمحم قتلوا أية احكيلي شنومة طموحاتك

فرح قالها : طموحاتي كبيرة ياسر 

تبسمت وقتلوا:  إيه احكيلي 

حط الكاس وقالها : نحب نلقى بنت الحلال ونعرس 

قتلوا : معقول إيه 

- نحب نشري دار زادة ما نحبش إنكمل فالكراء وسكت 

قتلوا : إيه كملي 

- أنا عندي توا كرهبة إما نحب إنبدلها وإنجيب زوز صغار ويزي 

قتلوا : وشنوا أخر 

قالها : شنوا تحب اخر 

- إنتي قتلي أحلامي كبيرة وطموحاتي أكبر تصورت عندك حاجة سبيسيال 

- إيه شوية عليك هذا ياخي إنت شنوا تحب يشريولك جزيرة في هاواي ؟ وطرشق بالضحك

هي تحكي بجدية ما فهمتش علاش يظحك قتلوا : علاش يا واحد يتقوقع في مثل هذه الصورة النمطية   متاع صغار ومرا ودار ملك واذا كان يحب يحلم ما ينجم يحلم كان بجزيرة في هاواي؟ 

هو ما فهمش ياسر الجملة إلي قالتها حب يبدل الجو : يتقوقع واللاهي فكرتني عند قداش شاهي الببوش  وبدا يظحك 

سكتت هي هزت كاس العصير شربت شوية وعاودة حطتو 

قتلوا:  باهي بش نسهلك حاجة أخرى ما عندكش  هوايات .... ما نعرفش أنا.. حاجات تعملهم كي تبدى ما تخدمش 
- إيه نحب جمع الطوابع البريدية وبدا يظحك 

هي ما عجبهاش التعليق وبدت تنفخ 

حب يصلح الغلطة : إنفدلك عليك واللاهي إنتبع شوية كورة سرتو كي تبدى الجمعية تكور وهانو شوية تلفزة انترنات وساعة ننفح بجرية عل بحر 

- ممممم باهي ما تقراش شوية كتب .

- هاكا توا بالطبيعة نقرا 

تبسمت شوية هي قتلوا : شنوا أخر كتاب قريتو 

- تي نسيت قريت ياسر كتب 

سكت وحب يبدل الموضوع نادى للسرفور : خويا بدل علينا هل جزيرة والكبي وفرانس 24 ؛ حط الميلودي شوية ريتم  

وجها صفار ما صدقتش ضربت بيدها عل طاولة .....
تلفت : تي بربي واحد تخنق يا خويا أنا السياسة مش متاعي ..... قالو إنتخاب وتكسير راس ... واحد كان رايض.... جاو ثورة وحرية ... شقالت عزيزتي  
- عزيزتك ؛ ما تحسش روحك تافه وما عندكش أهداف فالدنيا 
فما واحد ينسى لي ولاد بلادو ماتوا في جرت الحرية ؛ فما واحد بعقلو يحب يعيش وناس تسرق وتهين فيه ؛ فما واحد ما يحبش بلادو حرة و ديمقراطية ، فما واحد يحب يجب صغار  هو ويتفرج على الميلودي وروتانا ........... سامحني إما أفكارك ياسر سطحية ونضرتك للدنيا محدودة برشة ...
- تنرفز وقالها : حاسبة روحك تفهملها وأنتي ماكش فاهمة شي ؛ كان بش تكمل هاكا مش بش تعرس راهو....
- أنا ما نحبش شريك حياتي يربيلي ولادي على السطحية والجهل والأنانية  ......
- تي حتى لين تجيبهم إنت الصغار عل دزة هذي مش بش تلقى حتى رجل يلمك
- يلمني بربي !!!!!! زايد أنا الغالطة لي نحكي مع إنسان كيفك رجعي وأفكارو محدودة ..
- ونتي معقدة  حتى كان يزيودني الفلوس ما ناخدكش .........
وقامت وخلاتو ..... 

Moi sans toi

Je me trouves seule parfois  ; j'essaye de chercher quel qu'un pour me prendre dans ces bras en me rassurant que je suis bien aimée ; je cherches et je trouves personne ......

Une grande famille ; un copain  ; des collègues de travail ; des voisins des " amies " et pourtant je me sens seule .

Est ce que je suis déprimée ; malade ; schizophrénique est ce que c'est moi ou c'est eux ?

 Je pose des questions et je trouve jamais de réponses et du coup je me sens perdu à l’intérieur de moi  .

Je prends la route vers la maison ; je perds mes repères ; je regarde les visages des personnes dans la rue j'essaye d'imaginer leur problèmes et leur soucis et juste  pour un moment j'oublie les miens .

Je rentre en suite je regarde les  murs blanches si froides , si rigides si oubliés tout comme moi . Ensuite je respire  et j'utilise le reste de mon énergie pour aller au lit  ; je trouve aussi un lit froid vide et qui n'est même pas le mien .

Je pose ma tête et tout reviens me hanter et je me rappel quand  j’ai abandonné mon masque et voilà je suis devant lui je suis fondue dans ces yeux et j'ai décidé que je ne veux plus être forte et j'avoue mes faiblesses ; mes peurs mon insécurité et mes rêves impossibles J'avoue tout ; j'avoue que je suis cette personne complexe perdue . Je dis tout ce que j'ai voulu dire et  j'attends qu'il me prend dans ces bras ; j'attends qu'il me rassure 

et lui il prend ces valise et il part ........... Il est parti laissant son ombre ces souvenirs ces blessures ; il est parti et je suis restée .

Ensuite je me rends compte que je pense à lui donc  je ferme mes yeux je souhaite une bonne soirée à ma mère et j'essaye de dormir . 

خواطر إمرأة

كرهتك فحبك أعماني 

أصبحت كلما تنفست اختنقت تذكرت أيام العشق والنسيان

نظراتك قتلتني فمحيت كلماتك بكياني 

صرخت وناديت أنا إمرأةٌ 

فهل تعرف ما معنى أن تعيش إمرأةٌ فالحرمان ؟

عانقتني و وسرقنا القبل 

 فأنى  لي أن أنسى ذاك الزمان 

صغير أنت لازلت تريد جسداً  بدون  وجود انسان 

أعمى البصيرة فماذا تريد

تعال ومت بين أحضاني

كرهتك و اخترت نفسي

 فأمضي في طريق مشت عليه أقدامي

  

وداعاً يا من أحببت

وداعاً يا من من أجله  ودعت أحلامي .......

  

نداء مواطن غير صالح

أنا مواطن غير صالح ........

أنا مواطن دزني الحاكم وكلني الكف

عمري ما مشيت صوتت  و عمري ما خممت

أنا مواطن كان في بطاقة التعريف ......

أنا مواطن بكى على بلادو 

أنا مواطن تمنى الخير البلادو

أنا مواطن غير صالح ما سمعونيش كي اتكلمت وخافوا مني كيف كسرت .....

انا مواطن نلوج على خدمة 

أنا مواطن نحب بلادي كيف الوردة 

أنا مواطن والأمان عندي من غير حرية جحيم

والجحيم في بلادي عندي جنة

أنا مواطن نحب نحرق و نوكل دارنا الخبز

أن مواطن نحب نعيش صغاري

أنا مواطن غير صالح لزوني بش نقتل خواتي

أنا مواطن غير صالح ونحب نتصلح 

أنا مواطن حرموني من حقي بش انوكن مواطن لن انسيت شنوة معناها مواطن

أنا مواطن وعندي وطن .............

وطن ماتوا على خاطرو خواتي 

أنا مواطن غير صالح أنا تونسي ونحب بلادي

حيوط دارنا

حيوط فارقتهم و فارقوك

ما قعدلك شي كان الذكريات

حيوط كبروا معاك بكاو معاك و ضحكوا معاك

حيوط خلاو عليا بلاصة و كي إنراهم انشم ريحتك

حيوط بقاو و الحباب إمشاو

حيوط قعدولي كان هوما

حيوط قعدت نتفرج عليهم عل تصاور

حيوط كان ضيعت روحي ما انضيعهمش

حيوط يفكروك كل يوم لي ما عندك كان الحيوط

تمشي تهزك دزك الحيوط 

تبكي تشكي ما يسمعوك كان الحيوط

علاش يسمعوا فيك ؟

خاطرك وليت حيط مل حيوط

بارد ساكت هايم ……

حيوط بقاولي كان هوما يفكروك في أيام إمشات و ما عادش باش ترجع

توحشتكم يا حيوط دارنا توحشتك يا ……………

حكاية مل ماضي 2

تقابلوا في بلاصة العادة 

تلقاه متنرفز قتلو احكيلي قالها ما نجمش نحكيلك توا مشكلة مع دارنا بابا ما يفهمنيش و أنا ما عادش بش نرجع للدار

 شدتو من يدو قتلوا وسع بالك ..... عطاتو 20 دينار .... قالها كهو هذا شعندك ...

سكتت حشمت ؛ هو لي كان يقلها انا نصرف فالنهار أقل حاجة 20 ألف ....

قتلوا هذا شنوا عندي اليوم البانكات مسكرين توا نجبد ونعطيك ؛ وافق من غير ما قالها حتى كلمة ؛ وصلها وقالها توا نتقابلو ....

وبعد جمعة كاملة هي تطلب فيه تليفون مسكر تحيرت عليه ؛ كلمت دارهم هزت امو تليفون .....
قالتلها : تاتا لطيفة وينك لاباس انا ...... 

قالتلها المرا أهلا بنتي سكتت وقالتلها بربي يا تاتا نسأل على محمد طلبتو تليفون مسكر توا جمعة ياخي لاباس ؟

قالتلها: لاباس كان هوني وخرج وتليفون متاعو تكسر توا كي يجي انقلوا يكلمك

قالتلها عيشك 

علقت التليفون وما فهمت شي إما عل أقل عرفت لي هو لاباس 

بعد نهارين فالصباح نوقز تليفونها نومرو ما تعرفوش حست لي هو محمد 

هزت التليفون 




وي
أهلا 
وينك توحشتك يخي لاباس؟
لاباس إنت شنحوالك 
هاني ؛ تعرف كلمت حتى تاتا لطيفة قتلي لي إنت ما عندكش تليفون وإلي إنت خرجت وكي بش تروح بش تكلمني 
لطيفة ما عادش تجبدلي عليها مهاش أمي ؛ فما أم تخلي ولدها فالشارع من غير مصروف حتى دينار لا 
باهي وسع بالك 
نحب إنشوفك
باهي في بلاصة إلعادة؟ 
لا ما عنديش كرهبة توا إنجيك للفاك 

جاء المرة هاذي من غير كرهبة سلمت عليه قالها ما جبتش طرف فلوس 

قتلوا والله عندي كان مصروفي ؛ سكت قالها مش لازم قعدوا يحكيو قالها لي هو توا يسكن مع صاحبو وكان تحب تجي للدار تطل  عليه ميسالش ونعتها عل دار ما حبش يقلها علاش خرج مل دار قالها توا نحكيلك وراهي الكرهبة ما جيتش  بها خاطر نهارة لي مشيت الدارنا بش ناخو فلوس وخرت  بالكرهبة على ولد خالتي الصغير تضرب في ساقو 
 قالها لي هو ما عادش يمشي يقرا و ما عادش بش يكمل يقرا

سكتت هي ما فهمت شي وصلها بش روحت قالها نحبك ومشى ......

 و بعد نهارين جاء عيد ميلادها ستانات بش يتفكرها ما كلمهاش

  فالليل نوقز تليفونها نفس النومرو لي كلمها منو محمد أكل مرة

هزت التليفون طلع صاحبو

قالها راهو محمد في مشكلة كبيرة ولازمك تعاونو .... راهو  وهو يسوق فالكرهبة وقفوه البوليسية لقاو زطلة في كرهبتو وأنا معاه توا والبوليسية قال مانسيبوه إلى ما تعطيونا فلوس  .....

قتلوا ما عنديش فلوس .. قداش 

قالها 300 ألف ؛ قتلوا والله ما عنديش 

قلها انا نلوج على ضمد توا وإنرجعلك هات حتى سلسلة ؛ حاجة ذهب قتلوا ما عنديش ؛ أمي عندها

قالها راهو مستقبل محمد بش يطحطم وبش يدخل للحبس ويبطلوه مل قراية

هز سلسلة من متع أمك وغدوة  الصباح تكون عندك 

قتلو ما نجمش ...

قلها خمم وفي يدك 10 دقايق توا إنكلمك 

هبلت ؛ شنوا بش تعمل تخلي حب حياتها يدخل للحبس ولا تعاونوا 

ما لقاتش شكون تكلم ما لقاتش شكون يعاونها  ولا حتى ينصحها 

كلمها الراجل قتلوا ترجعهالي متأكد قالها والله وراس أختي راهو محمد يحبك وحكالي عليك 

ليل وقتها وشتا دنيا باردة ؛ دخلت للبيت ؛ تعرف أمها  وين تخبي هزت سلسلة لي جات قدامها وخرجت 
شدتها في يدها تعرف لي هي غالية برشة وأكثر مل 300 ألف تي تعمل 3 ملاين 
لكن هي جا في بالها كان محمد ومستقبلو وزيد الرجل قالها بش إنرجعهالك غدوة ؛ سكتت هبطت من عينها دمعة حست بروحا سارقة ولكن قبلت خاطر بش ترجعلها في نهار وزيد الكلو يهون على خاطر محمد 
نوقز تليفونها كلامها صاحب محمد قالها هاني قدام الدار أخرجلي راهم عطاوني نص ساعة في يدي بش نتصرف ......
علقت ؛ وحلت الباب وخرجتلو .....................................

يتبع

حكاية مل ماضي

هي طفلة صغيرة ومش صغيرة تخاف لا تحكي أسرارها عندها  برشة صحاب إما حتى حد ما يعرف عليها حتى شي ؛ الناس الكل تراها تضحك وهي قلبها يبكي . تخاف لا تحب وما تعرفش كيفاش تحب .

تعرفت عليه وقت لي هي في الجامعة خافت منو مل أول ؛ خافت لا يلعب بها ممكن احساسها قالها لي هو بش يلعب بيها

طلبها برشة  مرات  ترجاها بش تقابلو بش تعطيه فرصة عرف لي هو ينجم يأثر فيها هي قالت لا وقعدت تقول لا

لين نهار ضعفت حست روحا وحدها سألت صاحبتها حكاتلها الحكاية قالتلها برى جرب شنوا بش تخسر 

طلبتو فرح قالها محلاه صوتك قداش تمنيت النهار هذا نجي إنشوفك؟

قتلو ايجا 

خرجوا شدها من يدها قالها كلام حلو ؛ قالها نحبك عندي قداش قالها حس بيا 

حست روحا بدات تحبوا ولاو يخرجوا كل يوم  ؛ ولا يقلها مرتي وعدها بش يخطبها قالها إنكمل العام وإنكلم داركم 

حبتو  هبلت عليه تخيلت روحا نهار العرس متصدرة معاه 

عداو شهور مع بعضهم قالها كيف ننجح بابا بش يشرلي كرهبة قالها بش نعديو حياتنا الكل مع بعضنا قالها إيجا تعرف على أمي كلمتها فالتليفون قلتلها راهو ديمة يحكي عليك .........

وبعد شهرين تبدل ما عادش يكلمها ما عادش يسهل عليها ما عادش يقلها نحبك ما عادش يشدلها يدها 

كلمتو قالها عند مشاكل قتلوا احكيلي قالها ما نجمش

بكات فالتاليفون قتلوا نحبك ما تخلينيش ؛ قتلوا احكيلي مش قتلي انا مرتك وعشيرتك .......

سكت قالها انا طردني بابا مل دار وما عادش  بش  نرجع 

قتلوا علاش قالها توا نحكيلك ؛ ما عنديش فلوس حتى بش ناكل حاجة 

قتلوا إيجة نشوفك توا نعطيك فلوس ........

قالها ستناني هاني جاي .................

يتبع...